Կոնտեն համաձայնեցրել է պայմանագիրն «Ինտերի» հետ

«Չելսիի» նախկին գլխավոր մարզիչ Անտոնիո Կոնտեն մոտ է Իտալիա վերադառնալուն:

Ըստ Sky Sport Italia-ի լրագրող Ֆաբրիցիո Ռոմանոյի՝ Կոնտեն համաձայնության է հասել «Ինտերի» սեփականատեր Suning Group ընկերության հետ պայմանագրի վերաբերյալ, որը նախատեսված կլինի մինչև 2023 թվականը:

Մոտ ժամանակներս կողմերը կհամաձայնեցեն մանրամասները, ինչից հետո Կոնտեն կստորագրի պայմանագիրը: Իտալացի մասնագետն առաջնային թեկնածու էր հանդիսանում «Ինտերի»  գլխավոր տնօրեն Բեպպե Մարոտտայի համար:

Պատրաստեց Անի Գաբուզյանը