Մխիթարյանը շնորհավորել է Օբամեյանգին
Հայաստանի ֆուտբոլի ազգային թիմի և Լոնդոնի «Արսենալ»-ի կիսապաշտպան Հենրիխ Մխիթարյանը շնորհավոր է թիմակցին՝ Պիեր-Էմերիկ Օբամեյանգին:
Հայ կիսապաշտպանը սոցցանցերի իր էջերում տեղադրելով Օբամեյանգի հետ իր լուսանկարը՝ հարձակվողին շնորհավորել է Պրեմիեր լիգայի արդեն ավարտված մրցաշրջանում լավագույն ռմբարկու ճանաչվելու կապակցությամբ:
Օբամեյանգը լավագույն ռմբարկու կոչումը կիսել է «Լիվերպուլ»-ի հարձակվողներ Մոհամեդ Սալահի և Սադիո Մանեի հետ, ովքեր նույնպես Պրեմիեր լիգայում խփել են 22-ական անգամ:
Ֆուտբոլի Անգլիայի արդեն ավարտված առաջնությունում հաղթող դարձավ «Մանչեսթեր Սիթի»-ն, իսկ «Լիվերպուլ»-ը երկրորդն է: «Արսենալ»-ը գրավեց միայն 5-րդ տեղը:
