ԱՄՆ-ում մշակված R9X հրթիռն ունակ է առանց պայթյունի խոցելու թիրախը
ԱՄՆ-ի կառավարությունը մշակել է R9X հրթիռը, որն ունակ է խոցելու թիրախն առանց պայթյունի: Այս մասին հայտնել է The Wall Street Journal-ը՝ վկայակոչելով ԱՄՆ-ի վարչակազմի նախկին եւ ներկա ներկայացուցիչների:
Շուրջ 1,5 մետր երկարությամբ զենքը կշռում է ավելի քան 45 կիլոգրամ: Թերթի տվյալներով՝ հրթիռը Hellfire-ի վերափոխակն է: Սակայն մարտագլխիկի փոխարեն այն թիրախը խոցում է սայրերի միջոցով, որոնք դուրս են թռչում բախվելուց մի քանի վայրկյան առաջ, եւ սեփական քաշով:
Նշվում է, որ հրթիռն օգտագործվում է խիստ հազվադեպ, մասնավորապես, ահաբեկիչներին հարվածներ հասցնելու համար: Վարչակազմի ներկայացուցիչների խոսքով՝ տեխնոլոգիան թույլ է տալիս նվազեցնել վնասը եւ զոհերի քանակը խաղաղ բնակչության շրջանում:
