«Յուվենթուսը» ցանկացել է հրավիրել Կլոպին, բայց մարզիչը մնում է «Լիվերպուլում»
Թուրինի «Յուվենթուսի» նախագահ Անդրեա Անյելին ցանկանում էր թիմի գլխավոր մարզչի պաշտոնին հրավիրել «Լիվերպուլի» մարզիչ Յուրգեն Կլոպին: Ինչպես հաղորդում է Calciomercato.com-ը, Անյելին բարձր է գնահատում 51-ամյա մասնագետի աշխատանքը և ավելի շատ կցանկանար թիմի ղեկին տեսնել նրան, քան «Մանչեսթեր Սիթին» գլխավորող Պեպ Գվարդիոլային:
Կլոպը պատրաստվում է շարունակել աշխատանքը մերսիսայդյան ակումբում: Նա արդեն պայմանավորվել է ակումբի ղեկավարության հետ պայմանագիրը հինգ տարով երկարաձգելու վերաբերյալ: Նոր պայմանագիրը գերմանացուն տարեկան 10 մլն եվրո աշխատավարձ կապահովի՝ գումարած բոնուսները:
«Լիվերպուլը», հավաքելով 94 միավոր, զբաղեցնում է երկրորդ հորիզոնականն անգլիական Պրեմիեր լիգայում: Հունիսի 1-ին մերսիսայդցիները լոնդոնյան «Տոտենհեմի» հետ կխաղան Չեմպիոնների լիգայի եզրափակչում:
Պատրաստեց Անի Գաբուզյանը
