ԱՄՆ-ի Պետդեպը հավանություն է տվել Կատարին երեք միլիարդ դոլարի Apache ուղղաթիռներ վաճառելուն
ԱՄՆ-ի իշխանությունները հավանություն են տվել Կատարին AH-64 Apache 24 ուղղաթիռ եւ դրանց հետ կապված 3 մլրդ դոլար ընդհանուր գումարի զենք վաճառելուն: Պետդեպարտամենտի որոշման մասին հայտնել է Պենտագոնի կառուցվածքի մեջ մտնող Պաշտպանական համագործակցության գործակալությունը։
Կատարի ռազմաօդային ուժերն ավելի վաղ արդեն ձեռք են բերել այդ մոդելի 24 ուղղաթիռ: «Ուղղաթիռները Կատարին կտան երկարաժամկետ պաշտպանական եւ հարձակողական ներուժ, ինչպես նաեւ թույլ կտան ընդլայնել նավթի ու գազի հանգուցային ենթակառուցվածքի ու հարթակների պաշտպանությունը»,- ասված է հաղորդագրության մեջ:
Գործարքի հնարավորության մասին որոշումը դեռեւս չի նշանակում, որ այն կնքվելու է, սակայն հաստատում է, որ ԱՄՆ-ի իշխանությունները քաղաքական ու ռազմական խոչընդոտներ չեն տեսնում պարտավորագրի ստորագրման համար, հաղորդել է ՌԻԱ Նովոստին:
