Ավտովթար՝ Երևան-Սևան ավտոճանապարհին. կա տուժած
Մայիսի 10-ին, ժամը 00:39-ին «911» ծառայությանն ահազանգ է ստացվել, որ Երևան-Սևան ավտոճանապարհին՝ «Շանգրի Լա» խաղատան մոտակայքում, տեղի է ունեցել ՃՏՊ՝ ավտոմեքենան հայտնվել է ձորում, վնասվել է գազատար խողովակը, առկա է գազի արտահոսք. անհրաժեշտ է փրկարարների օգնությունը:
Դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ Մ-4 ավտոճանապարհի Երևան-Սևան հատվածի 13-րդ կմ-ին Nissan X Trail մակնիշի ավտոմեքենան (վարորդ՝ Մ.Ե.) դուրս է եկել ճանապարհի երթևեկելի հատվածից, բախվել գազատարին և հայտնվել ձորում (մոտ 70 մ):
Փրկարարները հոսանքազրկել են ավտոմեքենան, ուղևոր Շ.Խ.-ին (ծնված 1988 թ.) մոտեցրել շտապօգնության մեքենային. տուժածը հոսպիտալացվել է Էրեբունի ԲԿ, որտեղ տուժածի առողջական վիճակը գնահատվել է բավարար:
Փրկարարներն իրականացրել են հերթապահություն՝ մինչ «1-04» աշխատակիցների կողմից գազատարից արտահոսքի դադարեցնելը:
