«Պոգբան կենտրոնացած է «Մանչեսթեր Յունայթեդում» խաղի վրա». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը հերքել է լուրերն այն մասին, թե իրենց փոխհարաբերությունները «Կարմիր սատանաների» կիսապաշտպան Պոլ Պոգբայի հետ վատթարացել են:
«Չգիտեմ՝ որտեղից է հայտնում այդպիսի տեղեկությունը: Երբ մենք շփվում ենք Պոլի հետ, նա միշտ դրական է, և ես չեմ տեսնում ինչ-որ փոփոխություններ նրա վարքում: Պոգբան կենտրոնացած է «Մանչեսթեր Յունայթեդում» խաղի վրա, նա հպարտ է իրենով և միշտ աշխատում է իր ամբողջ ուժով: «Բարսելոնայի» հետ խաղում հենց նա ստիպեց թիմին գործել: Նա մեծ ֆիզիկական ջանք գործադրեց այդ խաղում»,- Սուլշերին է մեջբերում Sky Sports-ը:
Պատրաստեց Անի Գաբուզյանը
