Թուրքիայում վարսավիրը 50 տարի չի կտրել իր բեղերը
Թուրքիայի արևելյան Էրզրում (պատմ. Կարին) նահանգի Հորասանի շրջանում ապրող 75-ամյա վարսահարդարը 50 տարի բեղերը չի կտրել: Այս մասին տեղեկացնում ermenihaber.am-ը:
Նրա բեղերի երկարությունը անցնում է 1.5 մետրը:
Հաջի Մուհամմեթ Քըրբաչի խոսքով` 25 տարեկանից երկարացրել է բեղերը, քանի որ իր կինը շատ է սիրել, իսկ վերջինիս մահվանից հետո որոշել է ընդհանրապես չկտրել:
Քըրբաչը ունի 5 զավակ և 36 թոռ:
Քըրբաչը նշել է, որ կանոնակարգված խնամում է բեղերը:
«Սա իմ ունեցվածքն է, քանի որ իմ բեղերով ես հայտնի դարձա: Բոլորը հետաքրքրվում են, գալիս լուսանկարվում են»,- ասել է նա:
