««Մանչեսթեր Յունայթեդի» ավանդույթները միշտ հետաքրքիր են ֆուտբոլիստների համար». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը հայտարարել է, որ ֆուտբոլիստներին միշտ հետաքրքիր կլինի խաղալ ակումբում, անկախ նրանից՝ թիմը կհայտնվի՞ Չեմպիոնների լիգայում, թե՞ ոչ:
«Մեր պատմությունը, ավանդույթները և մեր պոտենցիալը միշտ հետաքրքիր կլինեն խաղացողներին, բայց որքան լավ եք աշխատում, այնքան լավն են արդյունքները, որոնք ստանում եք: Եվ, այդ պատճառով էլ, ֆուտբոլիստները ցանկանում են խաղալ մեր կազմում:
Մյուս տարի Չեմպիոնների լիգայում հայտնվելը ֆանտաստիկ կլինի: Երբ մենք եկանք 3 ամիս առաջ, ակումբը հետ էր մնում 11 միավորով: Հիմա մենք այնպիսի դիրքում ենք, որ մեզ պարզապես անհրաժեշտ է հաղթել առաջիկա 7 հանդիպումները նույն կերպ, ինչ նախկինում»,- Սուլշերին է մեջբերում Goal-ը:
Պատրաստեց Անի Գաբուզյանը
