Վերաբացվեց Արդշինբանկի «Արաբկիր» մասնաճյուղը
Այսօր ք. Երևան, Կոմիտասի 41 հասցեում վերաբացվեց Արդշինբանկի «Արաբկիր» մասնաճյուղը՝ վերանորոգված, տեխնիկապես հագեցած նոր հնարավորություններով և ժամանակակից լուծումներով: Մասնաճյուղում ստեղծվել են բոլոր պայմանները հաճախորդներին բարձրակարգ և համալիր բանկային ծառայություններ մատուցելու համար:
«Արաբկիր» մասնաճյուղը Արդշինբանկի երրորդ մասնաճյուղն է, որի բացումը տեղի է ունենում այս տարի: Բանկի գործունեության առաջնահերթություններից է ինչպես տարածաշրջանային ցանցի ընդլայնումը, այնպես էլ գործող մասնաճյուղերի վերանորոգումն ու պայմանների բարելավումը: Մինչև տարեվերջ Բանկը նախատեսում է ևս 8 մասնաճյուղի վերաբացում:
Մասնաճյուղն աշխատելու է երկուշաբթիից ուրբաթ՝ ժամը 09:15-16:45, ինչպես նաև շաբաթ օրերին՝ 10:00-14:00: Ընդ որում, հաճախորդները կարող են այցելել մասնաճյուղ իրենց նախընտրած օրը և ժամին՝ նախապես ամրագրելով հերթը Բանկի Մոբայլ Բանկինգ հավելվածի միջոցով:
Արդշինբանկի մասնաճյուղային ցանցը խոշորագույններից է ՀՀ բանկային համակարգում. այսօր Արդշինբանկն ունի 63 գործող մասնաճյուղ, որոնցից 18-ը Երևանում, 42-ը՝ մարզերում և 3 մասնաճյուղ՝ ԼՂՀ-ում:
***
Արդշինբանկը հանդիսանում է ՀՀ բանկային համակարգում բոլոր հիմնական ֆինանսական ցուցանիշներով առաջատարներից մեկը: Բանկը միակ մասնավոր ընկերությունն է, որը միջազգային կապիտալի շուկաներում թողարկել է եվրոպարտատոմսեր: Բանկն ունի միջազգային հեղինակավոր վարկանիշային գործակալություններից ստացված վարկանիշ՝ հավասար Հայաստանի Հանրապետության վարկանիշային մակարդակին: «Financial Times» կազմակերպության «The Banker» ամսագրի կողմից ճանաչվել է Հայաստանի 2018 թվականի «Տարվա լավագույն բանկ»:
