Ռուսաստանն արգելել է թուրքական տանձի ներմուծումը
Ռուսաստանի Դաշնության՝ Գյուղատնտեսական վերահսկողության ծառայությունը՝ «Ռոսսելխոզնադզորը» արգելել է երրորդ երկրներից թուրքական տանձի ներկրումը երկիրը։ Այս մասին տեղեկացնում ermenihaber.am-ը:
Գերատեսչության կողմից կատարված հայտարարության մեջ մասնավորապես ասված է․ «Պատժամիջոցների ցանկում ընդգրկված ապրանքների՝ Ռուսաստան ներմուծումը կանխելու նպատակով 2019թ․ մարտի 28-ից սկսած թուրքական ծագման տանձի՝ Բելոռուսիայի տարածքով ներմուծումը ՌԴ արգելվում է»։
Հավելենք, որ ավելի վաղ «Ռոսսելխոզնադզորն» արգելել էր նաև Բելոռուսիայի տարածքով թուրքական խնձորի ներմուծումը Ռուսաստան։
