Կենդանակերպի առաջնորդը
Խոսքը Խոյերի մասին է։
Ամենաերիտասարդ ու ամբիցիոզ նշանն է։
Իր անփորձության և երիտասարդության համար ստիպված է իր ողջ գիտակցական կյանքում ապացուցել սեփական կարողունակությունը, նախ և առաջ՝ ինքն իրեն։
Խոյերը, ինչպես և կենդանակերպի ցանկացած նշան, համադրում են տարբեր որակներ։
Խոյերը սուր զգացողությունների սիրահար են։
Արյան մեջ ադրենալինը նրանց կյանքը հագեցած ու լիարժեք է դարձնում։ Խոյերը երբեք չեն խուսափում ռիսկից ու հաճախ հաջողություն են որսում այդպիսի էքստրեմալ իրավիճակներում։
Խոյերն ուժեղ ու խիզախ էակներ են։
Նրանք հազվադեպ են գնահատում իրավիճակի իրական բարդությունը, առանց երկար մտածելու՝ նետվում են տարբեր գործերի մեջ, ու հենց դա է նրանց թույլ տալիս դրական արդյունք ստանալ այնտեղ, ուր այն չէր էլ կարող լինել։ Ցանկացած իրավիճակում Խոյը կընդունի ճակատագրի մարտահրավերը. միգուցե այդ պատճառով էլ հաջողությունը սիրում է Խոյերին ու միշտ նրանց կողքին է։
Խոյը բաց է յուրաքանչյուր նոր բանի համար
Նոր զգացողություններ, էմոցիաներ, վիճակներ. Դա այն է, ինչ նրա կյանքում զանազանություն ու հետաքրքրություն է մտցնում։
Կենդանակերպի այս նշանի ներկայացուցիչները բացառապես ակտիվ են ու էներգիայով լի։ Ընդ որում, նրանց էներգետիկան բացառապես պոզիտիվ է։ Այն բավականացնում է ոչ միայն՝ Խոյին, այլև՝ բոլոր նրանց, ովքեր գտնվում են Խոյերի շրջապատում։
Շատ կրքոտ է ամեն ինչում
Հարաբերություններում, գործերում, սպորտում, սիրո մեջ ու առհասարակ ամեն ինչում Խոյը ներդնում է առավելագույն հոգի, էմոցիաներ, զգացմունքներ։
Արդյունքի հետևից ընկնելով՝ Խոյերը հաճախ չեն խորշում քայլել գլուխների վրայով:
Նրանց հետաքրքրասեր էությունը թույլ չի տալիս ժամանակին կանգ առնել ու ծայրահեղություններ չանել։ Հնարավոր է, որ հենց սա է պատճառը, որ Խոյերը երկար չեն մնում հարաբերություններում։
Խոյերի համառության մասին լեգենդներ են շրջում, սակայն դժվար է դա անվանել բնավորության լավ կամ վատ գիծ։
Հավանաբար ամեն ինչ կախված է իրավիճակից։ Անհամբեր ու իմպուլսիվ Խոյն արագ է փոխում կարծիքը, առարկան, երևույթը, մարդուն, դեպի ում ուղղված է իր ուշադրությունը։ Նրանք փոքր-ինչ մակերեսային են ու չեն խորանում հարցի էության մեջ։ Հաճախ նրանց համար բարդ է լինում զբաղվել երկարաժամկետ նախագծերով, իսկ ահա այն, ինչ պահանջում է իմպուլսիվ, կարճաժամկետ, բայց շատ ուժգին ջանքեր, կենդանակերպի այս նշանի ներկայացուցիչներին մեծ արդյունավետությամբ է տրվում։
Խոյերը զարմանալիորեն երիտասարդ ու էներգիայով լեցուն նշան են, միշտ և բոլորի կողմից սիրված։
Նյութը հրապարակման պատրաստեց 168.am-ը
