Windows-ում լուրջ խոցելիություն են գտել
«Կասպերսկու լաբորատորիան» Windows-ում գտել է նախկինում անհայտ խոցելիություն, որի միջոցով հաքերները կարողացել են ստանալ ցանց կամ զոհի սարք մուտք գործելու հնարավորություն: Այս մասին հաղորդվում է ընկերության կայքում:
Այդ խոցելիության օգտագործման համար կիբեռհանցագործները գրել են էքսփլոյթ (ծրագիր ցանցային գրոհների իրականացման համար – խմբ.)՝ միտված դեպի Windows 8 եւ Windows 10 օպերացիոն համակարգեր:
Խոցելիությունը հաքերներին թույլ է տվել լիակատար մուտք ստանալ գրոհվող համակարգիչ, ընդգծել են «Կասպերսկու լաբորատորիայում»: Խոցելիության վերաբերյալ տեղեկատվությունը հայտնվել է Microsoft-ին, ինչից հետո վերջինս նորացում Է թողարկել իր օպերացիոն համակարգերի համար, հաղորդել է ՌԻԱ Նովոստին:
