Պետեր Չեխը գովեստի խոսքեր է ասել Մխիթարյանին
Լոնդոնի «Արսենալ»-ի դարպասապահ Պետեր Չեխը գովաբանել է Հայաստանի ազգային թիմի կիսապաշտպան Հենրիխ Մխիթարյանին:
Ֆուտբոլի Եվրոպայի լիգայի 1/8 եզրափակչում «Ռեն»-ից կրած պարտությունից հետո Չեխը, խոսելով Մխիթարյանի մասին, մասնավորապես ասել է. «Պետք է արժանին մատուցել Մխիթարյանին, քանի որ հրաշալի խաղ ցուցադրեց մի դիրքում, որտեղ գուցե երբեք չէր խաղացել: Նրա` աջ պաշտպանի դիրքում խաղալն օգնեց թիմին»:
Ֆուտբոլի Եվրոպայի լիգայի 1/8 եզրափակչում «Արսենալ»-ը Ֆրանսիայում մրցեց «Ռեն»-ի հետ և պարտվեց 3:1 հաշվով: Առաջին կեսում «զինագործների» ֆուտբոլիստ Սոկրատիսը կարմիր քարտ ստացավ, որից հետո Մխիթարյանը ստիպված էր փոխել խաղային դիրքը և գործել արդեն պաշտպանի դիրքում:
