«Երբ քեզ զանգում է «Ռոման», անհնար է ասել՝ ոչ». Կլաուդիո Ռանիերին վերադարձավ Հռոմ
Խնդիրը՝ ուղեգիր դեպի Չեմպիոնների լիգա:
Կլաուդիո Ռանիերին նշանակվեց «Ռոմայի» գլխավոր մարզիչ Էյսեբիո դի Ֆրանչեսկոյի հեռացումից հետո:
«Ես ուրախ եմ տուն վերադառնալու համար: Երբ քեզ զանգում է «Ռոման», անհնար է ասել՝ ոչ»,- նշել է Ռանիերին:
Նրա առջև դրված խնդիրը ՉԼ-ի ուղեգիր ձեռք բերելն է:
Ընթացիկ մրցաշրջանում «գայլերը» գտնվում են մրցաշարային աղյուսակի 5-րդ տեղում: Երկրի գավաթից նրանք դուրս թռան քառորդ եզրափակչում՝ պարտվելով «Ֆիորենտինային» 1:7 հաշվով, իսկ Չեմպիոնների լիգայի 1/8 եզրափակչում տեղը զիջեցին «Պորտուին»:
Ռանիերին արդեն մարզել է «Ռոման» 2009-11թթ.:
Կլաուդիոյի վերջին ակումբն անգլիական «Ֆուլհեմն» էր:
Պատրաստեց Անի Գաբուզյանը
