Շվեդիայի վարչապետն առաջարկում է ստեղծել ԻՊ հանցանքները հետաքննող տրիբունալ
Շվեդիայի վարչապետ Ստեֆան Լևենը հայտարարել է, որ իր երկիրը մտադիր է առաջարկել ստեղծել Սիրիայում «Իսլամական պետություն» ահաբեկչական խմբավորման կողմից իրականացված հանցագործությունների հետաքննության տրիբունալ: Այս մասին հայտնում է «ՌԻԱ Նովոստի»-ն:
Մարտի 7-ին նման առաջարկ է անելու Շվեդիայի ներքին գործերի նախարար Միքայել Դամբերգը՝ Բրյուսելում եվրոպացի գործընկերների հետ հանդիպման ժամանակ:
«Մարդու իրավունքների խախտումների համար պետք է պատասխանատվություն գոյություն ունենա: Եթե որևէ մեկն իրականացնում է ահաբեկչություն կամ ռազմական հանցագործություններ, նա պետք է կանգնի դատարանի առաջ՝ անկախ նրանից, թե դա որտեղ է տեղի ունեցել»,- հայտարարել է Լևենը:
