Դասական ֆրանսիական օմլետ՝ պանրով

Բաղադրիչներ

1. Ձու – 3 հատ
2. Կաթ – 1 թ/գ
3. Պանիր – 50 գ
4. Կարագ – 1 ճ/գ
5. Սև աղացած պղպեղ
6. Աղ

Պատրաստման եղանակը

1. Ձուն կաթի հետ լավ հարել պատառաքաղով:

2. Տապակի մեջ հալեցնել կարագը: Տապակը պետք է լավ տաքացրած վիճակում լինի, այլապես օմլետը «օդային» չի ստացվի:

3. Հենց կարագը դադարի փրփրել, լցնել ձվակաթնային զանգվածը: Պետք է միանգամից բարձրացնել օմլետի այն հատվածը, որը պնդացել է, որպեսզի ձվային զանգվածը հոսի դրա տակ: Կրկնել մի քանի անգամ:

4. Պատրաստ լինելուց 1 րոպե առաջ օմլետի կեսի վրա քերած պանիր շաղ տալ և պատրաստել ևս 20 վայրկյան:

5. Բահիկի օգնությամբ փաթաթել օմլետը՝ պանրային մասը ծածկելով մյուս մասով: Անջատել կրակը և թողնել ևս 30 վայրկյան:

Պատրաստեց Անի Գաբուզյանը