«Վնասվածքից հետո արտասվել եմ տանը երկու օր». Նեյմար
ՊՍԺ-ի առաջատար Նեյմարը խոսել է իր վնասվածքի մասին: Հիշեցնենք, որ բրազիլացի ֆուտբոլիստի ամիսներ առաջ ստացած վնասվածքը կրկնվել էր, և նա կարող է բացակայել երկար ժամանակ:
«Այս անգամ ինձ համար ավելի դժվար էր, քան նախորդ անգամ: Նախորդ անգամ ես ասացի, որ համաձայն եմ վիրահատությանը, քանի որ մտածում էի, որ այդպես արագորեն կլուծվի խնդիրը: Տխրելու պատճառ չկար:
Սակայն հիմա ես ավելի դժվարությամբ եմ ընդունում այս փաստը: Վնասվածքից հետո արտասվել եմ տանը երկու օր»,- խոստովանել է բրազիլացին:
Ըստ նախնական տվյալների, Նեյմարը կբացակայի 10 ամիս: El Mundo Deportivo-ի տեղեկություններով՝ բրազիլացին դիմել է Բարսելոնայի մի քանի բժիշկների, այդ թվում՝ ֆուտբոլային ակումբում աշխատող մասնագետների: Կատալոնական ակումբում Նեյմարին խորհուրդ են տվել դիմել վիրահատության, սակայն խաղացողը, ի վերջո, ընտրել է մեկ այլ վերականգնողական փուլ՝ առանց վիրահատության:
Սիրարփի Աղաբաբյան
