Դանակով զինված տղամարդը հարձակվել է մարդկանց բազմության վրա
Չինաստանի Ցզյանսի արեւելյան նահանգի Ցզիան քաղաքում դանակով զինված տղամարդը փետրվարի 21-ին հարձակվել է մարդկանց բազմության վրա: WeChat մեսենջերի պաշտոնական օգտահաշվում հրապարակված քաղաքային Հանրային անվտանգության վարչության հաղորդագրության համաձայն՝ միջադեպի հետեւանքով վերքեր է ստացել 11 մարդ:
Հարձակումը տեղի է ունեցել վաղ առավոտյան քաղաքի Ցզիչժոու շրջանի Շաոշանսի փողոցում: Հարձակվողին հաջողվել է բռնել այդ շրջանում հերթապահող ոստիկանության աշխատակիցների եւ միջադեպի ականատեսները դարձած քաղաքացիների ուժերով:
11 տուժածների, որոնց թվում են մի քանի ուսանողներ եւ ոստիկանության կամավոր օգնականներ, տեղափոխել են հիվանդանոց: Նշվում է, որ նրանց կյանքին վտանգ չի սպառնում: Հայտարարության մեջ ասված է, որ հարձակումը կատարած 33-ամյա տղամարդը հոգեկան խանգարում ունի, հաղորդել է ՏԱՍՍ գործակալությունը:
