Վալվերդեն որոշել է մնալ «Բարսելոնայում»
Մասնագետը պլանավորում է երկարաձգել պայմանագիրն ակումբի հետ:
Ինչպես հաղորդում է El Mundo Deportivo-ն, «Բարսելոնայի» գլխավոր մարզիչ Էրնեստո Վալվերդեն աշխատանքն ակումբում շարունակելու որոշում է կայացրել:
Նախորդ ամսվա սկզբին Վալվերդեն հայտարարել էր, թե վստահ չէ, որ կմնա «Բարսելոնայում»:
Մրցաշրջանի վերջում իսպանացու ընթացիկ պայմանագիրը «Բարսելոնայի» հետ ավարտվում է, և հենց ամռանը պետք է ստորագրվի նոր համաձայնագիր:
Վալվերդեն գլխավորեց կատալոնական ակումբը 2017թ. մայիսին: Թիմի հետ նա հաղթել է Իսպանիայի առաջնությունը, Երկրի գավաթը և Սուպերգավաթը:
Ընթացիկ մրցաշրջանում «Բարսելոնան» զբաղեցնում է առաջին հորիզոնականը՝ ակտիվում ունենալով 50 միավոր:
Պատրաստեց Անի Գաբուզյանը
