««Ռեալը» գրավիչ ակումբ է ցանկացած մարզչի համար». Լյով
Գերմանիայի ազգային հավաքականի գլխավոր մարզիչ Յոահիմ Լյովը խոստովանել է, որ կցանկանար վերադառնալ իր նախկին աշխատանքին և մարզել որևէ ակումբ:
«Ես մի քանի տարի աշխատել եմ ակումբներում՝ որպես մարզիչ, բայց չեմ մտածում Գերմանիայի ազգային հավաքականը թողնելու մասին: Ակնհայտ է, որ Գերմանիայի հավաքականում իմ մարզչական կարիերայի մեծ մասն անցյալում է, այնպես որ, շուտով պետք է մտածել՝ ինչ եմ անելու ես ապագայում:
Ուզում եմ աշխատել արտասահմանում, այլ ոչ՝ Գերմանիայում: «Ռեա՞լը»: Այն գրավիչ ակումբ է ցանկացած մարզչի համար»,- նշել է Լյովը:
Սիրարփի Աղաբաբյան
