«Քարոզարշավին մանդարին բաժանելը ոչ թե ընտրակաշառք է, այլ քարոզչական նյութ». Արտակ Կիրակոսյան
Ինչպես գիտեք՝ «Քաղաքացու որոշում» սոցիալ-դեմոկրատական կուսակցությունը քարոզարշավի ընթացքում նախընտրական ծրագրի հետ նաև մեկ մանդարին է բաժանում քաղաքացիներին, ինչը միանշանակ չի ընդունվել հասարակության կողմից:
Սոցիալական ցանցերում հաճախ են գրում ու հարց բարձրացնում՝ արդյո՞ք սա ընտրակաշառք չէ:
168.am–ի հետ զրույցում «Քաղաքացու որոշում» սոցիալ-դեմոկրատական կուսակցության անդամ Արտակ Կիրակոսյանն ասաց, որ հարցը նույնիսկ Կենտրոնական ընտրական հանձնաժողովի հետ են ճշտել:
«Դա քարոզչական նյութ է, գնված մանդարինների հաշվետվությունը պետք է ներկայացնենք Կենտրոնական ընտրական հանձնաժողով»,- ասաց Արտակ Կիրակոսյանը:
Հարցին, թե ի՞նչ գումարով են գնում մանդարին, և որքա՞ն են հասցրել բաժանել, «Քաղաքացու որոշում» սոցիալ-դեմոկրատական կուսակցության անդամը պատասխանեց.
«300 կիլոգրամից շատ ենք արդեն բաժանել: Գնում ենք կուսակցության նախընտրական ֆոնդին հատկացված գումարով»:
Անի Կարապետյան
