ՆԱՏՕ-ն Վրաստանին կօգնի Սև ծովում առափնյա պահպանության և ծովուժի զարգացման հարցում
ՆԱՏՕ-ն Վրաստանին աջակցություն կցուցաբերի Սեւ ծովում նրա առափնյա պահպանության ծառայության եւ ռազմածովային ուժերի զարգացման հարցում: Այս մասին հայտարարել է ՆԱՏՕ-ի գլխավոր քարտուղար Ենս Ստոլտենբերգը՝ ելույթ ունենալով Հյուսիսատլանտյան դաշինքի խորհրդի՝ դեկտեմբերի 4 – 5-ն արտաքին գործերի նախարարների ղեկավարների մակարդակով նիստի նախաշեմին կայացած մամուլի ասուլիսում:
«Մենք Վրաստանի հետ աշխատում ենք նրա ռազմածովային ուժերի արդիականացման, ինչպես նաեւ նրա առափնյա պահպանության ծառայության ուժեղացման համար»,- ասել է նա, հաղորդել է ՏԱՍՍ-ը:
