Մոսկվայի առևտրական կենտրոններից մի քանի հազար մարդ է տարհանվել պայթյունի սպառնալիքի պատճառով
Ռուսաստանի մայրաքաղաքի տասն առեւտրական կենտրոններից մի քանի հազար մարդ է տարհանվել պայթյունի սպառնալիքների վերաբերյալ հաղորդումների պատճառով: Այդ մասին ՏԱՍՍ-ին հայտնել է արտակարգ ծառայությունների մի աղբյուր:
«Օպերատիվ ծառայությունները պայթյունի սպառնալիքների վերաբերյալ հաղորդումներ են ստացել տասից ավելի առեւտրական կենտրոններում: Շենքերից տարհանվել է մի քանի հազար մարդ»,-ասել էգործակալության զրուցակիցը: «Ականապատված» առեւտրական կենտրոնների թվում են՝ «Ցվետնոյ»-ը, «Ատրիում»-ը, «Մեգապոլիս»-ը, «Կապիտոլի»-ն եւ «Գորբուշկին դվոր»-ը:
