The Times. Չեմպիոնների լիգայի 1/8 եզրափակչից կկիրառվեն տեսակրկնությունները
ՈՒԵՖԱ-ն լրջորեն մտածում է արդեն այս մրցաշրջանում կիրառել տեսակրկնությունների համակարգը եվրագավաթներում:
The Times-ի տվյալներով՝ դեկտեմբերի 3-ին կազմակերպության ղեկավարների ժողովում կքննարկվի այդ հարցը: Կկայացվի որոշում, ըստ որի՝ արդեն այս մրցաշրջանում՝ Չեմպիոնների լիգայի 1/8 եզրափակչում, համակարգը կգործի:
VAR համակարգը կգործի նաև Ազգերի լիգայի եզրափակիչ փուլում, որը կանցկացվի 2019 թվականի հունիսին Պորտուգալիայում:
Եվրոպա լիգայում տեսակրկնությունները կգործարկվեն մյուս մրցաշրջանից: Սակայն, հավանական է, որ Եվրոպա լիգայի եզրափակչում համակարգն արդեն իսկ գործի:
Եթե տեսակրկնությունների համակարգը գործարկվի, ապա եվրագավաթներում այլևս չեն լինի լրացուցիչ մրցավարներ, ովքեր գործում են դարպասի մոտ:
Սիրարփի Աղաբաբյան
