Արարատյան բակալավրիատում կատարված ուսումնասիրության արդյունքները կհրապարակվեն նոյեմբերի 30-ից հետո
Արարատյան բակալավրիատում կատարված ուսումնասիրության արդյունքները կհրապարակվեն նոյեմբերի 30-ից հետո: Այս մասին այսօր ԱԺ-ում լրագրողների հետ զրույցում հայտարարեց «Քաղաքացիական պայմանագիր» կուսակցության վարչության անդամ, ԿԳ նախարարի պաշտոնակատար Արայիկ Հարությունյանը:
«Սեպտեմբերի վերջին մենք փաստաթուղթ ենք ստորագրել, որով ստեղծվել է հանձնաժողով՝ Արարատյան բակալավրիատի վերջնական արդյունքները ուսումնասիրելու համար: Վերջնաժամկետը նոյեմբերի 30-ն է»,- ասաց նա:
Հիշեցնենք, որ Արայիկ Հարությունյանը հայտարարել էր «Արարատյան բակալավրիատ» ծրագրում խախտումների մասին: Ծրագիրը ժամանակավորապես դադարեցվել էր:
