Ֆիլիպիններում առնվազն յոթ մարդ է զոհվել «Յույտու» թայֆունի պատճառով. Reuters
Ֆիլիպիններում առնվազն յոթ մարդ է զոհվել, եւս 30-ը փլատակների տակ են գտնվում «Յույտու» թայֆունի պատճառով, որը երկրում մոլեգնել է հոկտեմբերի 30-ին: Այդ մասին հայտնել է Reuters գործակալությունը:
Նրա տվյալներով՝ վեց մարդ զոհվել է Կորդիլիերյան վարչական շրջանում (Լուսոն կղզի) թայֆունից առաջացած սողանքների հետեւանքով, եւս մեկը խեղդվել է սաստիկ անձրեւներից վարարած գետում: Նշվում է, որ զոհվածներից չորսը հինգից մինչեւ 11 տարեկան երեխաներ են:
Ավելի վաղ տեղեկացվել էր, որ թայֆունի պատճառով տարհանվել է ավելի քան 10 հազար մարդ, չեղարկվել են տասնյակ ավիաչվերթներ, հաղորդել է ՏԱՍՍ-ը:
