Լիբանանում դժբախտ պատահարի հետևանքով 27-ամյա հայ երիտասարդ է զոհվել
Լիբանանում դժբախտ պատահարի հետևանքով 27-ամյա հայ երիտասարդ է զոհվել: Ինչպես հաղորդում է Լիբանանի «Ազդակ» օրաթերթը, դեպքը տեղի է ունեցել հոկտեմբերի 25-ին, Բեյրութի Բուրջ Համուդ հայկական թաղամասում:
Օրաթերթը հաղորդում է, որ պատշգամբի վարագույրը նորոգելու ընթացքում 27-ամյա Հարութ Հուսիկյանը ուժեղ քամու հետևանքով ընկել է շենքի 9-րդ հարկի պատուհանից և զոհվել:
Լիբանանում տեղի ունեցած փոթորիկն ուղեկցվել է տեղումներով, որոնք հանգեցրել են հեղեղումների: Հեղեղումների հետևանքով ջրով են լցվել Այնջարի հայկական թաղամասերն ու եկեղեցին:
