Պեսկովը մեկնաբանել է Սիրիային նվիրված առաջիկա գագաթնաժողովը
Սիրիական հիմնախնդրի կարգավորման շուրջը Ռուսաստանի, Թուրքիայի, Գերմանիայի եւ Ֆրանսիայի ղեկավարների առաջիկա քառակողմ հանդիպումը կդառնա փորձ՝ որոնելու-գտնելու երկրների համար ընդհանուր թեմաներն արաբական երկրի ճգնաժամի համատեսքստում: Այդ մասին, ինչպես հաղորդել է ՌԻԱ Նովոստին, ասել է ՌԴ-ի նախագահի մամուլի քարտուղար Դմիտրի Պեսկովը։
«Դա առաջին հանդիպումն է այդ ձեւաչափով: Ֆրանսիան եւ Գերմանիան սիրիական պրոբլեմատիկայի քննարկմանը մասնակցել են այլ ռեժիմով, այժմ խոսքը վերաբերում է տարբեր ձեւաչափերի համատեղմանը, դիրքորոշումների համեմատմանը՝ քննարկման ընդհանուր թեմաները որոնել-գտնել փորձելու համար»,- լրագրողներին ասել է Պեսկովը եւ հավելել, որ Ռուսաստանի, Ֆրանսիայի, Գերմանիայի եւ Թուրքիայի ղեկավարները համատեղ հայտարարություն կանեն Ստամբուլում Սիրիային նվիրված գագաթնաժողովի արդյունքների վերաբերյալ:
Չորս երկրների ղեկավարները կհանդիպեն հոկտեմբերի 27-ին Թուրքիայում:
