««Յուվենթուսի» երկրպագուների համար իմ՝ «Ինտերի» հետ թրեբլն ամենադժվար պահն է». Ժոզե Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն մեկնաբանել է իր ժեստը «Յուվենթուսի» երկրպագուներին Չեմպիոնների լիգայի խմբային փուլի խաղի ժամանակ:
Պորտուգալացի մասնագետն ի պատասխան թուրինյան թիմի երկրպագուների վիրավորանքների՝ ցույց տվեց նրանց 3 մատները, որը խորհրդանշում էր «Ինտերի» թրեբլը 2010 թվականին՝ հաղթանակը Չեմպիոնների լիգայում, Իտալիայի առաջնությունում և գավաթում:
«Այդ ժեստը բնական ռեակցիա է: Ակնհայտ է, որ «Յուվենթուսի» երկրպագուներն ինձ չեն սիրում: Ակնհայտ է, որ իմ՝ «Ինտերի» հետ թրեբլն ամենադժվար պահն է եղել: Դա նորմալ է: Ֆուտբոլիստների, մարզիչների և հենց «Յուվենթուսի» հետ մենք շատ ջերմ հարաբերություններ ունենք»,- Մոուրինիոյին է մեջբերում Sky Sport Italia-ն:
Պատրաստեց Անի Գաբուզյանը
