Ավստրալիայում ուգի և խաղալիք կենգուրու են նվիրել արքայազն Հարիին ու Մեգան Մարքլին
Արքայազն Հարրին ու նրա կինը՝ Մեգան Մարքլը, Ավստրալիայում շրջագայության ժամանակ առաջին նվերն են ստացել իրենց առաջնեկի համար. այն մասին, որ Սասեքսի դքսուհին հղի է, նախօրյակին պաշտոնապես հայտարարել է Քենսինգթոնյան պալատը։
Ինչպես գրել է Associated Press-ը, նորությունը հանկարծակիի է բերել Ավստրալիայի գեներալ-նահանգապետ Փիթեր Քոսգրոուվին, որը պետք է ընդուներ Հարիին ու Մեգանին. սակայն նա հասցրել է օգնականներին ուղարկել գնումների եւ ապագա ծնողներին նվիրել խաղալիք կենգուրու ու պստլիկ ուգիներ:
«Առաջին նվերը ձեր մանկան համար»,-ասել է Քոսգրոուվը, հաղորդել է «Ինտերֆաքս»-ը:
