«Մոուրինիոն պետք է մնա «Մանչեսթեր Յունայթեդում»». Ռայան Գիգզ
«Մանչեսթեր Յունայթեդի» նախկին կիսապաշտպան Ռայան Գիգզը, ով տվյալ պահին գլխավորում է Ուելսի հավաքականը, գտնում է, որ «Կարմիր սատանաների» ղեկավարությունը չպետք է հեռացնի թիմի գլխավոր մարզիչ Ժոզե Մոուրինիոյին:
«Պե՞տք է արդյոք Մոուրինիոն հեռանա «Մանչեսթեր Յունայթեդից»: Ոչ: Հիմա նրանց համար ծանր ժամանակ է: Ես դրա մասին ասել եմ նախորդ անգամ: Եթե հիմա փոխեն մարզչին, միանգամայն հնարավոր է, որ մեկ կամ երկու տարի անց թիմը հայտնվի նույն իրավիճակում: Հավատում եմ, որ Ժոզեն պետք է պահպանի իր աշխատանքը»,- Գիգզի խոսքերն է մեջբերում Sky Sports-ը:
«Կարմիր սատանաները» հիմա զբաղեցնում են ԱՊԼ-ի մրցաշարային աղյուսակի 10-րդ հորիզոնականը: Հոկտեմբերի 6-ին Մոուրինիոյի թիմը տանը կհանդիպի «Նյուքասլ Յունայթեդի» հետ:
Պատրաստեց Անի Գաբուզյանը
