«Նոբելյան մրցանակի արժանացած Մուրուն իր հայտնագործություններով փառավորեց Ֆրանսիան». Մակրոն
Ֆիզիկայի բնագավառում Նոբելյան մրցանակի դափնեկիր հայտարարված Ժերար Մուրուն իր հայտնագործություններով փառավորել է Ֆրանսիան: Այդ մասին հայտարարել է երկրի նախագահ Էմանուել Մակրոնը:
«Մենք հպարտանում ենք Ժերար Մուրուով՝ Պոլիտեխնիկական դպրոցի պրոֆեսորով, որն Արթուր Էշկինի եւ Դոննա Սթրիքլենդի հետ մեկտեղ ֆիզիկայի գծով Նոբելյան մրցանակի արժանացավ լազերներին վերաբերվող իր աշխատությունների համար: Նա առաջին պլան մղեց ֆրանսիական հիմնարար հետազոտությունները եւ դրանց կիրառումը»,- գրել է Մակրոնը Twitter-ում, հաղորդել է ՏԱՍՍ-ը:
