ԱՄՆ-ը ոչ մի արդյունքի չհասավ ՄԱԿ-ի Գլխավոր ասամբլեայում. Իրանի նախագահ
Իրանի նախագահ Հասան Ռոուհանին սեպտեմբերի 27 հայտարարել է, որ Միացյալ Նահանգները ոչ մի արդյունքի չհասավ ՄԱԿ-ի Գլխավոր ասամբլեայում։ «Այս տարի ամերիկացիները ոչ մի արդյունքի չհասան ՄԱԿ-ի Գլխավոր ասամբլեայում»,- Ռոուհանիի խոսքը մեջբերում էIRNA գործակալությունը:
Նրա կարծիքով՝ «գլխավորը (ինչը ցուցադրվեց) Գլխավոր ասամբլեայում, դարձան Իրանի Իսլամական Հանրապետության իրավացիությունը եւ ԱՄՆ-ի աննախադեպ մեկուսացումը»: Նախագահը նշել է, որ «Նյու Յորք ուղեւորության ընթացքում ինքը 17 հանդիպում է անցկացրել առաջատար քաղաքական գործիչների, ներառյալ պետությունների ղեկավարների եւ միջազգային կազմակերպությունների ներկայացուցիչների հետ»:
«Երկրների ղեկավարների հետ բանակցությունների ընթացքում մենք քննարկել ենք երկկողմ համագործակցությունը, տարածաշրջանի իրադրությունը եւ միջուկային գործարքը, ինչպես նաեւ տնտեսական հարցեր»,-ասել է նա, հաղորդել է ՏԱՍՍ-ը:
