Սպասվում է անձրև. եղանակը առաջիկա օրերին

Հանրապետության տարածքում`

Սեպտեմբերի 20-ի ցերեկը, 24-25-ը սպասվում է առանց տեղումների եղանակ: Սեպտեմբերի 21-ին, 23-ի երեկոյան ժամերին առանձին շրջաններում, սեպտեմբերի 22-ին շրջանների զգալի մասում երեկոյան ժամերին սպասվում է անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ, առանձին հատվածներում հնարավոր է նաև կարկուտ:

Քամին՝ հարավ-արևմտյան՝ 5-10 մ/վ:

Օդի ջերմաստիճանը սեպտեմբերի 22-ի ցերեկը կնվազի 2-3 աստիճանով, սեպտեմբերի 23-25-ն աստիճանաբար նույնքան կբարձրանա:

Երևան քաղաքում՝

Սեպտեմբերի 20-ի ցերեկը, սեպտեմբերի 23-25-ը սպասվում է առանց տեղումների եղանակ: Սեպտեմբերի 21-ին՝ երեկոյան ժամերին, քաղաքի առանձին հատվածներում հնարավոր է  անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ:

Երևան քաղաքի սեպտեմբերի 21-ի բազմամյա կլիմայական տվյալներ.

• Օդի առավելագույն ջերմաստիճան՝ 34.00C (1998 թ.)
• Օդի նվազագույն ջերմաստիճան՝ 4.00C (1985 թ.)
• Օդի միջին օրական ջերմաստիճան՝ 18.90C