Փոմպեոն Չինաստանն ավելի մեծ սպառնալիք է համարում ԱՄՆ-ի համար, քան Ռուսաստանը

Չինաստանը ժամանակի թընթացքում ավելի վտանգավոր կդառնա ԱՄՆ-ի ազգային անվտանգության համար, քան այսօր Ռուսաստանը: Այդ մասին հայտարարել է Միացյալ Նահանգների պետքարտուղար Մայք Փոմպեոն:

Fox News հեռուստաալիքին տված հարցազրույցում նա նշել է, որ ԱՄՆ-ը «պետք է զսպի ու հակահարված տա» Ռուսաստանին, որը «ագրեսիվ է պահում իրեն, միջամտում է մեր ընտրություններին»:

«Իսկ եթե դիտարկենք երկարաժամկետ հեռանկարը, ապա ամերիկյան կենսակերպին, ԱՄՆ-ի տնտեսական աճին ավելի լուրջ վտանգ է ներկայացնում Չինաստանը»,- ասել է Փոմպեոն, հաղորդել է «Ինտերֆաքս»-ը: