Զիդանը ցանկանում է «Մանչեսթեր Յունայթեդում» տեսնել Կավանիին, Կրոսին և Խամեսին

Զինեդին Զիդանը դեռ շատ հեռու է «Մանչեսթեր Յունայթեդը» գլխավորելուց, բայց Mirror անգլիական պարբերականն արդեն ներկայացրել է Զինեդին Զիդանի ցանկալի տրանսֆերների ցուցակը, երբ նա գլխավորի «Մանչեսթեր Յունայթեդը»:

Հաղորդվում է, որ ֆրանսիացի մասնագետը կփորձի ձեռք բերել ՊՍԺ-ի հարձակվող Էդինսոն Կավանիին, «Ռեալի» կիսապաշտպան Թոնի Կրոսին, ինչպես նաև «Բավարիայի» կիսապաշտպաններ Խամես Ռոդրիգեսին և Տիագո Ալկանտարային:

Օգոստոսին տեղեկություններ հայտնվեցին, որ Զիդանը մտադիր է աշխատել Անգլիայի Պրեմիեր լիգայում, իսկ գլխավոր հավակնորդը «Մանչեսթեր Յունայթեդն» է:

Ավելի ուշ «Կարմիր սատանաները» հերքեցին ֆրանսիացու նկատմամբ հետաքրքրությունը:

Պատրաստեց Անի Գաբուզյանը