Իտալիայում հինգաստղանի հյուրանոց է բացվել կատուների համար
Հյուրանոցը հաճախորդներին առաջարկում է ժամանցային սրահներ, բոլոր հարմարություններն ունեցող առանձին համարներ եւ կատուների հատուկ ճաշացանկ՝ պատրաստված շեֆ-խոհարարի կողմից։
Հյուրանոցում մնալու գինը բավականին ցածր է՝ օրական 15 եվրո. այդ գումարի մեջ ներառված է ամեն ինչ, նույնիսկ սնունդը: Հյուրանոցի սեփականատերերը պնդում են, որ իրենց հաստատությունը հեռու է դասական պանսիոններից, որտեղ կատուները հաճախ փակված են մնում մետաղյա վանդակներում՝ առանց հատուկ ուշադրության ու հոգատարության:
«Մենք կատուներին ընդունում ենք երեք-չորս ամսականից: Դրանք պետք է լինեն ընտանի կատուներ, ունենան պատվաստումների հավաստագիր եւ կանոնավոր կերպով անասնաբույժի կողմից ստուգվեն բոլոր հյուրերի անվտանգության համար»,-հյուրանոցի կանոնները բացատրում է սեփականատերը, հաղորդել է ՌԻԱ Նովոստին:
