Ռուս սահմանապահները Հայաստանի պետական սահմանի խախտման փորձ են բացահայտել
Հայաստանի Հանրապետությունում Ռուսաստանի Անվտանգության դաշնային ծառայության սահմանապահ վարչության աշխատակիցները պետական սահմանի խախտման փորձ են բացահայտել «Կարճեւան» հսկիչ անցակետում (Սյունիքի մարզ):
Անձնագրային հսկողությունն անցնելու գործընթացում Իրանի Իսլամական Հանրապետության քաղաքացին իրեն չպատկանող անձնագիր Է ներկայացրել:
Հարցման ընթացքում Իրանի քաղաքացին պարզաբանել է, որ սխալմամբ վերցրել է իր ընկերոջ անձնագիրը, որի հետ միասին եկել էին Հայաստան:
Սահմանված կարգով նշված քաղաքացին հանձնվել է ՀՀ իրավապահ մարմիններին:
