Հրդեհ Ջրվեժում. մեկնել են երկու մարտական հաշվարկ և ավտոսանդուղք
Սեպտեմբերի 9-ին` ժամը 20:55-ին, «911» ծառայությանն ահազանգ է ստացվել, որ հրդեհ է բռնկվել Երևան քաղաքի Ջրվեժ գյուղի Մայակ թաղամասի թիվ 36 շենքի տանիքում. անհրաժեշտ է օգնություն:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ և ավտոսանդուղք:
Հրդեհը մեկուսացվել է ժամը 21:15-ին, մարվել՝ 21:29-ին: Տանիքում գտնվող խորդանոցում (10 քմ) այրվել են կենցաղային իրեր:
