«Ֆրանսիան պետք է միջնորդի դեր խաղա միջազգային հակամարտությունների կարգավորման գործում». Մակրոն
Ֆրանսիան պետք է միջնորդի դեր խաղա միջազգային հակամարտությունների կարգավորման գործում: Այդ մասին հայտարարել է Ֆրանսիայի նախագահ Էմանուել Մակրոնը՝ օգոստոսի 27-ին Փարիզում ելույթ ունենալով ֆրանսիացի դեսպանների խորհրդակցությանը: «Մեր կոչումն է՝ ամենուրեք լինել միջնորդ տերություն,-ասել է Մակրոնը:
Մենք պետք է լինենք դիվանագիտական, ռազմական, մշակութային, կրթական, ազգային ու եվրոպական տերություն եւ միշտ լինենք միջնորդ»: Ընդսմին Մակրոնն ընդգծել է, որ «դա չի նշանակում, որ Ֆրանսիան հրաժարվում է սեփական ձայնից, բայց նա պետք է ձգտի դաշինքներ կառուցել այդ հիմքի վրա»:
Նրա խոսքով՝ դա անհրաժեշտ է, որպեսզի «միջազգային կարգը ձեւավորվի հումանիտար համամարդկային շահերի հիման վրա»: Եվրոպան, նշել է նա, «չի ստեղծվում ո՛չ Բրյուսելում, ո՛չ Փարիզում, ո՛չ Բեռլինում»: «Այն ինքն է իրեն ստեղծում մեր գաղափարների ու նախագծերի անդուլ տարածման հիման վրա»,-ասել է Մակրոնը՝ դիմելով Ելիսեյան պալատում հավաքված ֆրանսիացի դեսպաններին, հաղորդել է ՏԱՍՍ-ը:
