Մշակվել է մշակույթի նախարարության նոր կազմակերպական կառուցվածքի նախագիծը
ՀՀ մշակույթի նախարարությունը մշակել է նոր կազմակերպական կառուցվածքի նախագիծ, որը թույլ կտա հստակ տարանջատել գերատեսչության բոլոր ստորաբաժանումները: Այս մասին ասաց ՀՀ մշակույթի նախարար Լիլիթ Մակունցը՝ ամփոփելով իր պաշտոնավարման 100 օրը:
«Շատ կարևոր ենք համարում այս նախագիծը, որովհետև մեր նախարարության աշխատանքների արդյունավետությունը պայմանավորված է հենց կազմակերպական կառուցվածքով: Այս նախագծի շնորհիվ հստակ կտարանջատվեն ու կսահմանվեն բաժինները, ստորաբաժանումները»,- ընդգծեց նախարարը:
