Կալիֆոռնիայում հրդեհ է բռնկել Tesla-ի գործարանում
ԱՄՆ-ի Կալիֆոռնիայի նահանգում հրդեհ է բռնկել Tesla էլեկտրամոբիլների արտադրության ձեռնարկությունում: Այդ մասին Twitter-ում պատմել է ընկերության հիմնադիր Իլոն Մասքը:
«Ես հենց նոր այնտեղ էի: Բռնկվել է վերամշակման համար նախապատրաստված ստվարաթուղթը, որը գտնվում էր հարավային կողմի արգելապատի մոտ: Անչափ շնորհակալ եմ Ֆրիմոնտի հրշեջ ծառայությանը՝ արագ արձագանքելու համար: Ոչ ոք չի տուժել, գործարանին վնաս չի պատճառվել»,- ասված է հաղորդագրության մեջ:
Ներկայում հրդեհն ամբողջովին մարված է: Բռնկման պատճառը չի նշվում:
