Փորձագետները կանխատեսել են iPhone-ի նոր մոդելների գները
Փորձագետները նշել են iPhone-ի երեք նոր մոդելների հնարավոր գները, որոնց շնորհանդեսը պլանավորվում է սեպտեմբեր ամսին: Տվյալները հրապարակված են Trend Force վերլուծական ընկերության կայքում:
Նախնական գնահատումների համաձայն, նորացված iPhone X-ը նախորդից էժան կլինի. դրա գինը կկազմի 899-ից մինչեւ 949 դոլար: Ամենաթանկ մոդելը կդառնա iPhone X Plus-ը, որը վերլուծաբանների կողմից գնահատվում է 999 դոլար:
Վերլուծաբաններն այն կարծիքին են, որ Apple-ը կներկայացնի նաեւ մոդելի բյուջետային տարբերակը՝ հեղուկաբյուրեղային էկրանով, որի արժեքը կարող է կազմել մինչեւ 749 դոլար:
Ավելի վաղ ԱՄՆ-ի պատենտների եւ ապրանքանիշերի գերատեսչությունը գրանցել է iPhone-ի միջոցով անձի նույնականացման տեխնոլոգիայի նկատմամբ Apple ընկերության հայտը, ինչը ենթադրում է սմարթֆոնի օգտագործում անձնագրի փոխարեն, հաղորդել է ՌԻԱ Նովոստին:
