«Մանչեսթեր Յունայթեդն» առաջարկում է 32 մլն եվրո Լեոնարդո Բոնուչիի համար
«Ռոսոներների» ավագը մոտ է տեղափոխությանը:
«Մանչեսթեր Յունայթեդը» մտադիր է ուժեղացնել պաշտպանական գիծը «Միլանի» իտալացի պաշտպան Լեոնարդո Բոնուչիով:
31-ամյա ֆուտբոլիստին թիմում ուզում է տեսնել Ժոզե Մոուրինիոն: Ինչպես հաղորդում է La Repubblica-ն, Լեոնարդոյի գործակալ Ալեսանդրո Լուչին արդեն հանդիպել է մանչեսթերյան ակումբի ներկայացուցիչների հետ, ինչպես նաև կոնտակտի մեջ է մտել ՊՍԺ-ի հետ:
Բոնուչին «Միլան» է տեղափոխվել «Յուվենթուսից» 2017թ. ամռանը:
2018թ. հունիսին ՈւԵՖԱ-ն զրկեց «Միլանին» եվրագավաթների մասնակցությունից երկու մրցաշրջանով ֆինանսական ֆեյր-փլեյի խախտման պատճառով:
Պատրաստեց Անի Գաբուզյանը
