Առաջամուղ համայնքը բուժհաստատություն կունենա
Հադրութի շրջանի Առաջամուղ համայնքում ավարտվել են Արևելյան ԱՄՆ-ի «Արցախ ֆոնդ» կազմակերպության կողմից կառուցվող առաջին կլինիկայի շինարարական աշխատանքները:
Այս մասին «Արցախպրես»-ի թղթակցի հետ զրույցում ասել է «Թուֆենկյան» բարեգործական հիմնադրամի գործադիր տնօրենի օգնական Մեդինա Հովհաննիսյանը՝ մանրամասնելով, որ կլինիկայի շինարարությանը զուգահեռ՝ ավարտվել են նաև գյուղապետարանի մասնակի վերանորոգման աշխատանքները:
«Առաջիկա մի քանի օրերին կկատարվի մերձակա տարածքի բարեկարգում: Կահույք և դեղորայք ստանալուց հետո էլ կլինիկան կհանձնվի շահագործման»,- նշել է Մ. Հովհաննիսյանը:
Լուսանկարները՝ «Թուֆենկյան» բարեգործական հիմնադրամի
