Ռոնալդուն պայմանավորվել է «Ռեալի» հետ հրաժարագինը 1 միլիարդից մինչև 120 մլն եվրո իջեցնելու վերաբերյալ
Պատրաստվում է հեռանա՞լ: «Ռեալի» հարձակվող Կրիշտիանու Ռոնալդուն, հնարավոր է, սկսել է մադրիդյան ակումբից հեռանալու գործընթացը:
Պորտուգալացին պայմանավորվել է «Սերուցքայինների» հետ հրաժարագինը 1 միլիարդից մինչև 120 մլն եվրո իջեցնելու վերաբերյալ: Ընդ որում, կլաուզուլան սկզբում իջեցվել էր մինչև 400 մլն եվրո: Ինչպես հաղորդում է OK Diario-ն, օպցիան չի վերաբերում այլ իսպանական ակումբներին և ՊՍԺ-ին:
Ռոնալդուն «Ռեալ» է տեղափոխվել 2009 թվականին: 9 տարվա ընթացքում նա թիմի հետ հաղթել է 4 Չեմպիոնների լիգա, 2-ական Իսպանիայի առաջնություն, երկրի Գավաթ և Սուպերգավաթ, Եվրոպայի Սուպերգավաթ և Ակումբային Աշխարհի առաջնություն:
Պատրաստեց Անի Գաբուզյանը
