Պատահար Ջրաշխարհի մոտ
Հունիսի 20-ին, ժամը 09:52-ին «911» ծառայությանն ահազանգ է ստացվել, որ Երևան քաղաքի Մյասնիկյան պողոտայում՝ Ջրաշխարհի մոտակայքում, տեղի է ունեցել ՃՏՊ. ավտոմեքենան և ավտոբուսը բախվել են՝ առաջացնելով խցանում: Անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Toyota Runner» մակնիշի (վարորդը՝ ՈՒ. Մ. Կ., ծնված 1949 թ., ԳԴՀ քաղաքացի) ավտոմեքենան և «Դելյուքս տրանս» ՍՊԸ-ին պատկանող «Բոգդան» մակնիշի (վարորդը՝ Վ. Ս.) ավտոբուսը: Տուժածներ չկան:
Փրկարարները հոսանքազրկել են «Toyota Runner» մակնիշի ավտոմեքենան:
