Ինչ կենդանիներ են հաշվառվել Մանվել Գրիգորյանին պատկանող տարածքում
Հունիսի 18-ին FPWC-ի վայրի կենդանիների փրկարար կենտրոնի (WRC) արագ արձագանքման խումբը Երևանի կենդանաբանական այգու անձնակազմի հետ մեկնեց Էջմիածին` ԱԺ պատգամավոր Մանվել Գրիգորյանին պատկանող տարածք` իրավիճակը գնահատելու և կենդանիների հետագա ճակատագրի հարցը պարզելու նպատակով:
Այցի արդյունքում ԱԺ պատգամավոր Մանվել Գրիգորյանին պատկանող տարածքում հաշվառվեցին՝
- 5 գորշ արջ,
- 1 վագր,
- 8 խառնածին քարայծ,
- 1 եղնիկ,
- 2 սիրամարգ և այլ հավազգիներ։
1 վագրը տեղափոխվեց Երևանի կենդանաբանական այգու կարանտինային կենտրոն՝ հետագա բուժզննման համար:
Մնացած կենդանիների տեղափոխման մասին կհաղորդենք լրացուցիչ։
Լուսանկարների հեղինակային իրավունքը պատկանում է FPWC հիմնադրամին: Լրատվամիջոցների համար դրանք բաց են օգտագործման և տարածման համար։
