Facebook-ը կասեցրել է գրեթե 200 հավելվածի աշխատանքը, որոնք մուտք ունեն օգտատերերի տվյալներ
Facebook սոցիալական ցանցը կասեցրել է գրեթե 200 հավելվածների գործողությունն իր կայքում, կապված այն բանի հետ, որ դրանք կարող են օգտվել օգտատերերի մեծ ծավալի անձնական տեղեկատվությունից: Համապատասխան հայտարարությունը մայիսի 14-ին հրապարակված է սոցցանցի նորությունների պորտալում:
«Facebook-ը կշարունակի ստուգել բոլոր այն հավելվածները, որոնք օգտատերերի մեծ ծավալի անձնական տեղեկատվությունից օգտվելու հնարավորություն են ստացել մինչեւ այն պահը, երբ մենք փոխեցինք մեր քաղաքականությունը 2014 թվականին, որպեսզի նվազեցնենք մուտքի հնարավորությունն անձնական տվյալներ,-ասված է հրապարակման մեջ:- Հետաքննության գործընթացն իրականացվում է ամբողջ թափով:
Այսօրվա դրությամբ հազարավոր հավելվածներ են ենթարկվել ստուգման, եւ շուրջ 200-ի աշխատանքը կասեցված է այնքան ժամանակ, քանի դեռ հետագա հետաքննությամբ չի պարզվել, թե ինչպես են օգտագործվել տվյալները»: Սոցցանցի ներկայացուցիչները նշել են, որ եթե հավելվածները չարաշահումներ են թույլ տվել անձնական տեղակատվության օգտագործման հարցում, ապա դրանք ամբողջովին կարգելափակվեն, իսկ մարդիկ կստանան համապատասխան ծանուցում, հաղորդել է ՏԱՍՍ-ը:
